「無綫廚神」李錦聯和女友邵敏婷（Rachel）日前因感情問題發生爭執而報警，原本兩人已分手，但前晚李錦聯聲稱與Rachel復合，兩人更齊到觀塘出席晚宴，又在記者面前又錫又攬，李錦聯更表示是Rachel主動講和，又爆兩人會一齊過夜，不過現場所見Rachel表現頗不願意。

「叫我作道歉信求佢」

Rachel昨日主動打電話給記者，並澄清沒有復合，言詞間更暗示一切都是李錦聯自編自導，她說：「話我買咖喱佢，又話過夜，根本成件事係佢想扭曲，咁講影響我人生，佢仲叫我作封道歉信求佢，其實佢想將焦點放喺我身上，等人以為我掟電腦落街。」
Rachel強調礙於前晚是主人家的開心活動，所以她不希望影響他人，才沒有當面反擊李錦聯，她踢爆對方是有問題的人，她說：「佢近呢個月要長期食藥同睇醫生，我唔想講太多傷害佢，總之我俾佢搞到冇覺好瞓，雖然佢唔係唔愛我，但佢唔識保護我，仲要報警告我，好多嘢正常都唔會做。」採訪：葉雪