大摩剛周三（26日）晚交白卷，相反蔡約翰憑「好利運來」食尾糊，現時以74比68Win領先大摩。將於7月1日展開的本季最後五次賽事，相信這兩位阿John有排鬥！

今晨（28日）大摩派出多駒試跑，當中包括下周一（7月1日）第六場三班1650米泥地「二郎」及第九場三班2000米草地「天外天」，牠們走勢均吸引，應是馬房今戰爭分籌碼。

「二郎」潘頓跳三段，戴頭罩走中檔，按住分段稍加快，馬身脹卜卜，毛色深潤，走過神閒氣定，好專注，論狀態仍處高峰。

此駒泥地性能出色，仍有潘頓壓陣，有望成功反擊。

「天外天」何澤堯跳兩段，戴面箍，勤拼馬身仍靚，未有轉瘦，走來神情專注，落腳輕爽，論狀態並無不妥，惟上仗表現頗失望，且看易配何澤堯，今場效果如何。

-----------------------------
7月4日起 《蘋果動新聞》只限升級壹會員閱覽
繼續撐蘋果！