韓國人氣男團BTS（防彈少年團）日前推出回歸專輯，當中新歌《DNA》MV公開不足24小時，點擊已破2千萬，刷新韓國歌手新紀錄。

而BTS喺歐美兩地都非常受歡迎，根據全球最大嘅音樂串流平台Spotify噚日公開嘅數據中，BTS嘅《DNA》進佔Global Top第50位，今次係韓國歌手首次入榜單嘅新紀錄。

雖然新歌咁受歡迎，但佢哋專輯內嘅歌就唔通過KBS電視台嘅審批，當中BTS專輯《LOVE YOURSELF 承 'Her'》內三首歌都被評定為唔適合喺電視台播放。另外，男團2PM成員俊昊以及iKON成員Bobby嘅歌曲同樣被評為唔適合播放。