恒生銀行噚日喺南華會舉行第二屆「小飛魚游泳賽」,八方去睇熱鬧,事前聲言參賽嘅常務董事兼副行政總裁陸觀豪,果然有落水;佢首次參加嘉賓接力賽,即奪得冠軍,贏咗其餘七隊。八方見羅渣(陸之洋名)唔算游得好快,但係佢兩位拍檔就非常厲害,因為佢哋分別係十二至十三歲組別的冠、亞軍得主。兩條小飛魚加埋陸副總裁一齊,話咁易就攞到冠軍。
羅渣喺比賽後猛讚兩位小朋友係「最強」人馬,但原來佢自己亦唔係「海軍」。佢同八方講,每日放工都會去游水,每次可以游三十至五十個塘,都幾犀利;不過,單睇佢咁fit嘅身形,便知佢一定係經常運動啦。
傳真︰2623-9278
電郵︰
[email protected]