港鐵多次在不同地區示威活動時突然封站，被指配合警方濫暴，大眾亦關注8.31太子站衝突是否有市民死亡，昨（6日）更有市民在站內下跪，要求港鐵公開當日相關閉路電視片段，亦未獲港鐵正面回應。有網民今午在港鐵旗下兩個商場，包括九龍灣德福廣場及沙田連城廣場，發起靜坐行動表達訴求，抗議港鐵淪為政治工具。

在九龍灣站連接德福廣場的扶手電梯旁，77歲的林伯伯手持大字報站立。他指大字報是自己撰寫，希望更多人明白示威的始末，尤其希望不支持「反送中」運動的家長看到，「第時行出嚟嘅會係你仔女，你下一代」。他指，看到年輕人出來抗爭受傷，被捕後又受到折磨，感到很心痛，又批評「警方每日搞個『說謊大會』，再說謊係無用嘅，係政府令到佢哋咁，佢哋只係回應政府」，林亦認為港鐵是在配合政府。一直有積極參與遊行的林又指，自己每次參與遊行後，會留守到警方施放催淚彈的一刻才會離開。他說：「見到後生都出嚟抗爭，如果自己唔做，點對得住良心？點對得住下一代？點對得住香港？」

參與靜坐的John笑言自己「本來嚟行街㗎咋」，但他為靜坐準備充足，帶同眼罩、N95口罩，並用黑布遮住右眼。他形容自己近日心情悲傷，「港鐵喺呢個禮拜所做嘅嘢，其實傷咗好多香港市民嘅心，無論身體上定心靈上嘅損害都好大」。他現時最希望港鐵可交出8.31太子站的閉路電視片段，「還返無論係警方定係市民一個公道」。惟昨日即使有市民下跪，仍未能令感動港鐵，他坦言沒有失望，因原本對港鐵已再無期望，「其實我心裏面預設咗個答案都係咁」。

除了靜坐，他亦明言在日常生活，亦會罷搭港鐵，「我情願畀多少少錢，早啲起身，搭其他交通工具」，形容這是對自己的交代，「其實10元8塊對港鐵嚟講都係Nothing（小事）」。John最終寄語港鐵：「佢應該有返自己立場，唔係警方要求就要做。就算封站都好，都要有個解釋，而唔係好似而家咁，好似『係呀，我係咁做㗎喇！』」

-----------------------------

香港人權與民主法案祈禱會

日期：9月8日（星期日）
【遮打花園集會】
時間：下午1時30分至6時30分
地點：中環遮打花園

【流水式自發到美領館】
時間：下午2時起
地點：美國駐港澳總領事館
主辦：民間發起
-----------------------------
【撐學生】
召集有心人 撐學生全年睇《蘋果》
立即按此