四人女子組合「星座少女」（Staries）成軍一年，經過多月來嘅儀態、唱歌同跳舞特訓後，正式進軍樂壇。最近推出首隻主打歌《男孩子們》，內容講述女仔俾另一半冷落引發嘅不滿。

老闆兼名模何紫綸特別搵咗曾經與杜德偉、鄧紫棋合作嘅Alison，幫Staries做形象指導。今次嘅宣傳照都幾性感，大露香肩，感覺似半裸上身。成員Cecilia（易佩詩）話︰「我們向來嘅形象以型格為主，但今次想展露另一面給俾大家睇，今次嘅性感唔只著重視覺，仲有感覺，希望大家會喜歡。」

成員Poyiu（黃寶瑤）勁谷3吋事業線，原來佢為咗今次拍攝專登減咗20磅，佢話﹕「之前每星期不停做gym，想身形更firm，呢種程度嘅性感都可以接受。」而Cman（李善敏）同Emma（潘小環）仲着咗比堅尼上陣相擁拍攝，原來佢哋都曾經被另一半拋棄︰「我哋同是天涯淪落人，所以大家一起相擁。」何紫綸亦都好滿意咁話：「想俾人睇到性感不但只有裸露，仲可以騷在骨子裏。」