養和醫院前副院長、本港心臟手術先鋒鄺國熙醫生，年逾古稀，想不到也受孕婦無床位生仔問題而困擾，近來找他的朋友不是約飲茶敍舊，「個個打嚟係叫我幫手搵床位」。
「特區政府冇決心解決問題！」鄺國熙慨嘆，歷年來說過無數次醫護不足問題，可惜政府漠視，「你同政府講冇用o架，醫生不足一早就知，但醫學院仲要減學額，醫學會就話有太多醫生。內地人嚟生仔，唔夠護士唔夠床位，三、四年前已經警告過」。求人不如求己，養和惟有自設護士學校。

由私院退下來的鄺國熙，贊成規管私院：「從來都冇人深究點解用地契去管私院，點解唔同病房收唔同價錢，病人點可以預算？甚至要審核醫生，我覺得市民係會支持，去audit（審計）啲醫生用藥、做手術有冇問題，例如醫生同個癌症病人用幾多藥？生存咗幾耐？喺邊個階段用乜藥都可以audit。又好似點解咁多產婦要開刀生，係可以透過病歷去審核。」
香港名醫財源滾滾，問他是否「有啲名醫好搶錢」，他同意，「好似病人個肝已經脹到只得一、兩個星期命，但仲同佢入醫院抽水打藥；有啲病人臨死前，醫生仲做氣管鏡抽痰，榨乾晒病人」。他說個人底線，是醫生應誠實讓病人知道，用藥能延長多少個月壽命，由病人自己決定。
看盡病房百態，他建議病人宜在清醒時做好指示，否則香港孝順子女多，會不惜一切要求醫生為父母吊命續命。他說養和醫院設有機制，倘發現醫生濫做醫療程序，沒有從病人福祉出發，會由院長、護士組成的委員會審核，不過他認為，這些工作應由衞生署做。
現時醫生工時長，謔稱「7-11」式從早至晚診症，行醫逾50年的鄺國熙說，以前未有7-11，叫TTS，threetimesaday，醫生每日早、午、晚診症或做手術，工作時間不比現在短，「醫生付出咁多，收入高一啲係應該。但最快樂唔係收入，係『割』症，當醫好一個病人，佢一個感激嘅眼神，係錢畀唔到你嘅」。他說以往醫生不會嫌工時長，只求多症「割」，希望吸取更多經驗，在英國受訓時，他便不時與同僚「爭割症」。

鄺國熙是本港首個利用人工心肺機進行首個心臟手術的醫生，在葛量洪醫院創立心胸外科。他說60年代血液供應不足，他曾為心臟手術後急需輸血的病人捐出自己的血液，「幫佢做完手術，好急需要鮮血，家人啲血又唔啱，我都有捐過畀五、六個左右」。醫生為病人做手術兼捐血，這代醫生，有沒有聽過？
記者︰梁洵渝