意大利上周六作客吞西班牙3蛋，世界盃歐洲區G組要拎首名直接出線都相當渺茫，而且仲屋漏偏逢連夜雨，祖雲達斯後衞邦路斯，領下黃牌，下場主場對以色列需要停賽。

意大利教練雲杜拿周日就宣佈，補選轉會市場關閉前一刻先由拖連奴加盟車路士嘅沙柏哥斯達；25歲嘅沙柏哥斯達可任右閘同右翼，累積4次國家隊上陣。