細個爬榭碌地 大個寧做「婆仔」
林嘉欣DIY妙方護四肢
蘋果日報 2003/07/13 00:00
林嘉欣昨日以護膚品牌代言人身份出席活動，向fans及市民大派美容面膜。她表示自小不甚注重皮膚護理，在加拿大爬樹碌地，到香港後才醒覺護膚的重要性，其中她特別注重防曬，寧願撐傘做「婆仔」也不要暴曬，平時她則愛DIY以橄欖油加砂糖護理手腳。
林嘉欣昨日以護膚品牌Regene代言人身份，到銅鑼灣總統戲院的萬寧，向市民及fans大派最新護膚面膜，獲不少男女fans到場熱烈支持，要求與她合照。
維他命E防癌
林嘉欣表示十分珍惜與fans見面的機會，她說：「平時掛住拍戲，好少機會同fans見面，有時都係喺網站留言互相聯絡。𠵱家開始唱歌，希望可以同fans近距離溝通多啲。」問林嘉欣與fans有否特別的經歷，她說：「舊年試過有一個新加坡男fans喺網上留言，話可以為我不惜犧牲，我淨係想啲fans支持睇我嘅電影已經足夠。」
談到護膚心得，林嘉欣有一套DIY美容方法，她說：「以前由細到大都係男仔頭，喺加拿大爬樹碌地，嚟到香港就開始注重多啲護理。自己皮膚屬於偏乾，平時拍戲拍到攰，會盡量飲多啲水。除咗塊面之外，我重會喺屋企用橄欖油溝砂糖搽手同腳，但唔可以用嚟搽面，因為會太油，而且我會搽維他命E防皮膚癌，有時我寧願擔遮，俾人話係『婆仔』。」
希望戒咖啡
還有，林嘉欣自言是一個「大水桶」，她說：「我一日要飲好多水，不過遲啲要戒埋咖啡，有時喺片場拍戲，一日飲成六至八杯咖啡提神，不過對皮膚唔好，我希望可以戒咗佢。」
採訪：JessicaNgan
攝影：EdwardChou
林嘉欣表示十分珍惜與fans見面的機會，她說：「平時掛住拍戲，好少機會同fans見面，有時都係喺網站留言互相聯絡。𠵱家開始唱歌，希望可以同fans近距離溝通多啲。」問林嘉欣與fans有否特別的經歷，她說：「舊年試過有一個新加坡男fans喺網上留言，話可以為我不惜犧牲，我淨係想啲fans支持睇我嘅電影已經足夠。」
談到護膚心得，林嘉欣有一套DIY美容方法，她說：「以前由細到大都係男仔頭，喺加拿大爬樹碌地，嚟到香港就開始注重多啲護理。自己皮膚屬於偏乾，平時拍戲拍到攰，會盡量飲多啲水。除咗塊面之外，我重會喺屋企用橄欖油溝砂糖搽手同腳，但唔可以用嚟搽面，因為會太油，而且我會搽維他命E防皮膚癌，有時我寧願擔遮，俾人話係『婆仔』。」
還有，林嘉欣自言是一個「大水桶」，她說：「我一日要飲好多水，不過遲啲要戒埋咖啡，有時喺片場拍戲，一日飲成六至八杯咖啡提神，不過對皮膚唔好，我希望可以戒咗佢。」
採訪：JessicaNgan
攝影：EdwardChou
林嘉欣剪了髮，更感清新怡然。
林嘉欣的fans舉牌支持偶像。