當年今日

關你車事:四驅癡唔怕偷車賊 93萬流動屋去後藏

蘋果日報 2006/07/25 00:00


廿幾萬可以買一架全新日本車或二手歐洲豪房,但有人寧願花呢廿幾萬去改裝一架價值73萬嘅LX470四驅車,想唔想知價值廿幾萬嘅補品幾有睇頭?今次特別請咗呢位四驅癡車主同佢架改裝車一齊亮相,但礙於此車款依然高踞偷車榜行列,所以為安全起見,被訪者樣貌將會全程打格仔,以防萬一。

記者:黃婉冰
攝影:譚盈傑
20萬改裝90日遠征後藏
車主Leo之所以捨得豪花20多萬去幫架新LX470Set「行」裝備,除咗佢係個不折不扣嘅四驅車迷外,另一原因係佢參加咗一個前所未有嘅四驅之旅。「我今個月16號會同另外7架LX470組成四驅車隊,一齊由香港揸車去後藏,即西藏嘅後面,從來未有人試過好似我哋今次咁揸車上去,所以我諗會好刺激好好玩,但路線又長又辛苦(最高海拔6,000米),所以成個旅程前後要用成個半月時間,由四驅店老闆馬大立帶隊,佢為咗今次旅程,前後用咗2個月時間,日夜趕工幫我哋8部車做改裝,每架都有成30幾樣嘢要改,好似我呢架咁,要加霧燈、頭架、帳幕,又要升高架車、加AirLock、無線電對講機、天線、士啤胎、油缸由1個加到2個,後座座椅就全部拆走加裝咗2個櫃桶,可以用嚟放日常用品同汽車零件。除咗基本嘅日常用品之外,我特別訂咗個車用雪櫃、微波爐同壓力煲,個壓力煲都係特製,咁就可以去到邊煮到邊,淨係呢幾樣加埋都已經幾萬蚊,可能有啲人會覺得貴,但我鍾意玩四驅,我又會成日跟佢哋去四驅之旅,所以值得,而且𠵱家整好晒裝備,以後就算再去長途嘅四驅之旅都用得着,唔好話去中國,就算環遊全世界都得。」
empty
empty
$10,000急凍電櫃
empty
高置引擎入氣
empty
專用微波爐
增重1,000磅 要改避震懸掛
改裝後新車足足增磅1,000磅,要負重成幾千磅應付90日崎嶇路程,全車避震、懸掛都要改過。
「成架車所有裝備加埋重咗成千磅,原裝避震同懸掛根本唔適合,所以𠵱家改咗用一套適合普通路面又可以用嚟爬山嘅懸掛,就算平日出街行石屎路面都一樣得。同埋好彩今次馬大立搵到凌志中國代理(四川中達凌志汽車有限公司)Sponsor我哋所有零件,就算去到咁遠路程同咁長時間,都唔怕架車有咩病痛無零件。」
買LX470做專用戰車
長途跋涉去四驅之旅,Leo並非第一次,呢架LX470亦只係佢其中一架戰車。「我本身已經有幾架四驅車,之前由香港揸去北京,我就係用架福士TouaregV8,今次我特登買呢架LX470,一來係為咗今次呢個後藏之旅,二來我都想用佢嚟去以後其他比較崎嶇同難度較高嘅旅程。」
empty
01.士啤胎、尾架、水桶,全是四驅車遠征必備Item。
empty
02.保護底板比一般原廠大成倍,路面幾崎嶇都無問題。
empty
03.無線電對講機備有3條頻道可調校,深入叢林一樣接收得到。
empty
04.每架車都裝有帳幕,1架裝左面,1架裝右面,2架泊埋時,有如大帳幕一樣。
empty
05.車上電池線路全部改過,防水兼有足夠儲電。
empty
06.車上有專用壓力煲,方便高原上煮食。
LexusLX470Specifications
引擎:4,664c.c.V8DOHC
馬力:272bhp/5,400rpm
扭力:45.3kgm/3,400rpm
傳動:5前速自動波
汽車提供:S&PAutoLtd(23926348)
熱門偷車賊獵物
凌志LX470
凌志LS430
豐田Alphard
日產ELGRAND
平治S-Class
三菱EVO9