何超鳳去年突然爆出和丈夫何志堅已於2016年離婚，結束23年婚姻，事隔兩年，她形容心情OK，「反而係，o依家做人仲再專注啲、充實啲，又有新的職務， 保良局又要做主席了， 啲女都話，『媽咪你o依家應該搵番自己嘅人生，想去旅行就去旅行啦，想點就點。』她依然相信愛情，「相信！點解唔相信，愛情呢啲嘢好自然，佢嚟就嚟，唔嚟就係佢未嚟，所以唔需要急，亦唔需要刻意追求，自然的嘢係最好的。」

iPhone手機的screen saver是兩個女兒：長女何鍶珩（Beatrice）、細女何倩珩。超鳳長女何鍶珩在美國主修英文，今年畢業後再讀市場學碩士，靚靚女兒Beatrice不時會在ig post和外籍男友Jordan的合照，「我係一個好開放的媽咪，最緊要啱佢哋，無所謂，外國人好， 中國人好，最緊要夾同目標一致。佢哋細個時，我係惡的，因為細路仔係一張白紙，你寫咩上去，佢就係咩，如果你唔惡啲，佢哋就會過界。」富三代的千金，女兒一樣要在酒店、銀行做暑期工捱世界，「我唯一話，你要選的科，係要諗定你將來要做咩，唔可以話要做老師，但賺到的錢要好似投資銀行咁。畢竟我將來都會老，唔可以照顧佢哋一世。」未來太遠，不如活在當下，何超鳳早前就專程飛去倫敦探女，「我哋有個傳統，係會一齊出去睇聖誕燈飾，去年響紐約，今年就返去倫敦睇。」

初為人母時，超鳳放下一對年幼女兒返工，現時工作慣了，公司成為另一個家，「叫我唔做嘢，都幾困難，要有生活的動力，偶然放下假，會係rewarding啲，唔可以就咁坐在屋企。如果有一日真係退休，我想去多啲遠啲嘅地方，我好想去南美洲，因為太遠，企鵝都未睇過。」

採訪：林妙萍
攝影：郭賢興
攝錄：林德雄、周樂恒

精選娛聞，喺晒《娛果》
http://fb.com/appledailyent