公民力量鄧永昌批評曾蔭權擺官威,「佢咁講對居民可以話係不敬,分明係擺官威,以長官意志行事,淨係識得某某我家欽點你要解決,但係點解佢唔聽吓民意?」
對於有官員指區議員為保議席,極力阻止骨灰龕入區的說法,民選區議員黃家榮指特首「凉薄」,「我哋係民選區議員,如果我夾硬支持你呢樣嘢,我諗我下屆同特首一齊落車。」民主黨的容溟舟直言,「佢唔係民選出嚟,點會回應巿民訴求吖!」
李子榮指曾蔭權傷透區內60萬人的心,「呢個係好嚴厲嘅批評,我哋希望特首可以澄清吓佢嘅意思,佢叫區議會交塊地畀佢,有違區議會嘅職能,政府有地皮可以問我哋意見,唔係要我哋交地畀你,角色係有少少唔啱。」
出席會議的梁卓偉指現時選址只屬首階段,不排除有第二、三階段。被問曾蔭權的言論是否幫倒忙,梁問非所答地表示會聆聽各方意見。