甄妮今午喺為快將舉行嘅《世紀情歌世紀情巨星演唱會》綵排，甄妮大伯張亮聲及姨甥李立崴先後輕生，今日甄妮現身時，神情哀傷。 著住姨甥件恤衫綵排嘅甄妮話，自己對後輩一向嚴厲，所以當年姨甥話想入行唱歌，自己都唔准。

除咗因為娛樂圈成名路難行，亦都因為姨甥生前執教鞭，唔想佢咁辛苦。

甄妮話連姨甥出過五張唱片，自己都係事後先知，0依家回想都覺得自己可能太嚴厲。

對於夫家又有白事，甄妮話因為怕相沖，所以只能電話慰問，又話唔理邊家人有事都好，要假設佢哋去咗更美好嘅地方唔使再捱，要正面啲向前看咁話。