【創業起義】英國創業移民難唔難？（尹思哲）
蘋果日報 2020/06/20 15:00
Start-up visa必須在英開新公司，持有人除了自己檔生意，也可以另外打工。
上次寫文提到，英國自去年改革簽證制度，推出Start-up及Innovator簽證。（見另文：【創業起義】移民留低一樣要勇氣（尹思哲） ）
兩者的分別在於，Start-up visa期限只得兩年，且不能續簽，完成後要再申請Innovator visa，才能滿足留英5年，申請永居入籍的要求。換言之，Start-up visa助你踏入創業移民的門檻，最終還是要「打大佬」，申請可無限續期及申請永居的Innovator visa。
Start-up visa必須在英開新公司，持有人除了自己檔生意，也可以另外打工，而且endorsing bodies包括大部份英國大專院校，所以特別受英國留學生歡迎，若自己間大學可以審批，毫無疑問是近水樓台。
但事實上，英國Start-up visa相比起其他國家，例如加拿大，申請難度同門檻都要高，舊年推出首3個月，全球32個申請，僅得23個成功；Innovator visa就更加難上加難，全球4個申請批得2個。據了解，每個可審批機構，全年只得25個配額，以目前約40個審批機構計，亦即約1000個Innovator visa，仲要係全球去爭，作為香港公司，又可以分到幾多個？
再加上，自推出以來，英國內政部針對濫用申請的情況，已收緊過門檻，規定申請者提交的商業計劃，必須跟其本身從事行業有關，以證明申請人有相關技能及經驗。
就算俾你攞到Start-up visa，可留英兩年，但其實真正嘅難題，批咗後才接踵而嚟。
兩年時間好快過，當你過完一關，好快又有Innovator visa嗰關要過。問題係，呢個簽證嘅endorsing bodies更少，限於少量英國當地嘅 startup incubator或accelerator program。
呢啲機構有權審批Innovator visa，問題係佢哋都要揾食，好多朋友越洋聯絡呢啲機構，結果都係石沈大海。點申請機會高啲？下回再分解。
尹思哲