當年今日
關於我們

【李八方online】派膠調查有成果?大家樂撐顧客「走塑」

蘋果日報 2018/06/04 17:25

陳克勤李八方

民建聯噚日公佈一個有關連鎖快餐店派發塑膠餐具嘅調查,話七間受訪連鎖快餐店中,派得最多膠嘅係大家樂,負責調查嘅陳克勤仲呼籲大家樂少啲派膠。估唔到事隔一日,派膠調查已經有成效。
陳克勤今日喺facebook貼咗張相,相中可見係有間大家樂門口豎立咗告示,標明「顧客如不需外賣餐具,可通知店員,多謝支持」,同民建聯噚日建議可由顧客主持提出「走塑」方向一致。八方問過陳克勤,佢話呢張告示出現喺金鐘中信嘅大家樂,好高興佢哋提醒顧客可以選擇主動通知店員唔領取即棄餐具,希望其他連鎖食店都效法大家樂做法,當然政府都應加強向市民宣傳自攜餐具,務求「全民走塑」!