【酒後多說話】布志綸愛嚐杯中物 望日後與囝囝摸杯底
蘋果日報 2019/12/27 13:35
布志綸如果我們的語言是威士忌
左圖攝影：盧妹
布志綸（Alan）今日到商台宣傳新歌《如果我們的語言是威士忌》，較Chill的曲風與Mr.平日的曲風很不同：「我諗喺呢個時候，首歌可以畀大家有需要嘅時候舒緩吓。」
Alan坦言年輕時不懂品嚐杯中物：「以前做band仔都係『劈』多，Mr.入面我應該係飲得最多嗰個，好多歌都係咁樣寫出嚟。而家成長咗，想品嚐嗰個感覺，會飲多咗威士忌。」他認為有時候想坦白地傾談，飲兩杯的確有幫助，笑言將來可能與囝囝Adam都會摸住酒杯底聊天：「飲兩杯，輕鬆啲，了解下唔同人嘅階段同世界。」
問Alan何時會教囝囝飲酒？他說：「等到合法年齡先啦，而家聞下都唔畀。」他又自言酒品好，因為飲多了只會不停說話，不會醉酒鬧事：「我會勁講嘢，同埋唔知點解會講英文，仲會自己返屋企，不過自己都唔知點樣返左屋企。」Alan自爆曾被朋友整蠱，趁他生日飲醉，由他在銅鑼灣街頭「示眾」，他笑言：「其實我係知道同聽到，不過完全冇能力反抗。」
至於早前公司有宣傳人員離職，問有否影響宣傳計劃？Alan感謝公司的照顧：「有時都諗自己可以做乜，宣傳嘅嘢我唔太了解，我都係專心造音樂，其他嘢交畀公司處理。」
布志綸望將來與囝囝Adam飲酒聊天，但現階段年紀太小，不宜接觸。
Alan稱年輕時只會「劈」酒，到現在才學懂何謂品酒。
新歌《如果我們的語言是威士忌》。
（IG圖片）
布志綸的囝囝Adam。
（IG圖片）