韓國男團SuperJunior呢兩個月將會有三名成員入伍當兵，繼噚日銀赫入咗伍後，聽日就會到東海入伍，而下個月就會輪到崔始源。

噚日銀赫入伍有大批粉絲到場，利特同強仁都有陪同銀赫，強仁同銀赫都有感觸落淚，場面感人。不過聽日入伍嘅東海就話唔想咁高調，可能佢都怕自己忍唔住同好兄弟分離而流淚，所以佢所屬嘅SM事務所就話東海聽日將前往忠南論山訓練所進行新兵基礎軍事訓練，結束訓練後會以義務員警嘅身份服役，至於東海本人就希望安靜入伍，所以就唔會安排單獨嘅問候時間。

而SJ成員金希澈前日喺電台節目時就話：「事實上我好擔心呢件事，我去軍隊嘅時候好淡定好cool咁走咗，感覺銀赫也會做得好好嘅樣子，我只係好擔心東海，呢個孩子一直都係跟喺哥哥後面生活，給洗好嘅盆子放上食物咁樣，所以特別擔心如果冇我哋為佢做，佢會點樣。銀赫同東海係我嘅弟弟、係家族、係朋友，所以心情真係唔太好。」

而入咗伍嘅另一男團JYJ成員金在中，今日佢着軍裝嘅型仔look就出現喺韓國陸軍官網頁面上，粉絲都大讚佢好型仔。