當年今日
關於我們

41定27 - 陳也

蘋果日報 2013/12/28 00:00


四十一歲改身份證冒充廿七歲,成功的例子不是沒有的,例如:珠姐實牙實齒說,我就係廿七,而且年年廿七,絕對唔違反基本法,不存在釋法的空間。我講得好清楚了,唔使再問喬老爺。OK?
同樣地,喬老爺一樣說,廿七就廿七,唔使睇身份證,唔使諮詢咁多餘,八九不離十嘛。
西環也一直滾人,冒充廿七扮天真,而且反唇相稽說:總之唔充六八九,唔驚擲成落水狗。
鄭婆婆明顯是27++,她語重心長表態:「四十一比廿七,正式展開諮詢,有商有量,不言而喻。41和27,兩個冧巴,唔代表入閘代號,大家冇諗歪。」
李首富聽畢,罕有開腔,對號入座:「我都超過41+27了,乜世面未見過。連張X強都冇有怕,我從來唔使充。老大難?幾時難得到我?」
曾主席諗爆頭問:「我做25太耐了,到底阿爺想我扮41定27?」