距離開鑼日報名唔夠兩星期，文廐已幾乎肯定榜上有名之馬有「行善積福」，佢透露該駒馬主李鋈麟之妻歐雪明於9月6號牛一，遂作出如此部署，並對呢匹上季兩勝四位賽駒近況感到滿意。
「行善積福」剛周二由黃皓楠試泥閘，七駒中跑第五，順利通過受薪董事監測，可以報名參賽，而開鑼日有三班1200及1400米均啱佢跑，視乎幕後部署報邊組。另外，文家良對T布澳洲自購馬「勇少爺」有一定期望，並指此駒上季較遲抵港，進度受影響，本身質素唔曳，往後應有一番作為。