武漢肺炎|疫情下減少面對面交流 傳媒向騎練攞料難咗好多
林湛穎疫情賽馬記者
2020年受武漢肺炎影響,全球都過得翻天覆地,香港賽馬幸運地能夠維持正常,行內人都鬆一口氣。
香港馬迷一向重視晨操動態,但因為武漢肺炎,傳媒喺沙田馬場晨操嘅採訪工作因而有所變化。
例如以往騎練賽前訪問嘅地點冇任何限制,可以喺峰火台外、過磅室同騎師室等地方進行,依家就一定要跟足規矩,留喺停機坪外嘅指定採訪區。
賽馬記者有一樣工作馬迷未必知道,就係每次報名表公佈後翌日,記者行家都會拎埋中英文版報名表落操,問定騎練下一個賽馬會嘅正選馬暫定配搭,行家們然後互相交換。
換言之,今期賽馬未上演,傳媒從業員已着手為下期賽事做前期工作,喺未正式排位前,讀者喺報紙上睇到嘅戰馬暫定騎師人選就係記者努力嘅成果。
受疫情影響,人與人之間減少面對面接觸,騎練同行家依家都轉用社交媒體溝通,有時報名表公佈當日已知部份配搭,感覺上看似方便快捷。
但有時見到特別配搭,就算即時留言追問,對方都可能會唔覆避答,效果始終冇當面問答咁傳神。
-----------------------------
經濟環境陰晴不定,周轉困難亦是常事,邦民日本財務讓你安坐家中,貸款一樣可以輕輕鬆鬆到手,網上貸款即時初步批核⦿,星期日都照批★,用轉數快還可以即批即過數^,全新客戶成功貸款可享迎新現金獎高達HK$3,500▲,所以說,解決方法總比問題多!
推廣期由2020年12月1日至2021年1月31日(包括首尾兩天)
須受條款及細則約束,詳情留意邦民日本財務(香港)網頁。