每個後生女都試過約埋朋友或同學去掃平衫，好似旺中、利時，甚至現時去淘實或美之買衫，fashion呢啲嘢，各衫入各眼，最緊要襯得好睇。有不少Fashion YouTubers亦有幫人代購，教人襯衫之類，後生仔女要支持黃色經濟圈，又唔想畀人當水魚，如果網店賣「淘寶貨」扮高價貨，代購又賣貴幾倍，作為消費者當然不接受。

近年有一個YouTuber叫Spoon Chan，不時被連登絲打狙擊，講她身為Influencer，卻被網民批評她抄襲別人穿衣風格，另外賣二手衫又抬高價格，爆出種種負面post，而Spoon Chan亦被指做印尼代購時，價錢賣貴好多，更有人貼圖稱同一款面膜膏，Spoon Chan卻賣貴1倍，其實佢兩日前已拍片回應：「呢兩個月我比較安靜，可能有啲朋友仔知道發生咩事，但我都簡單交代，佢指自己在4月4日即興在IG動態中，舉行二手衣物買賣，當時我喺度整理緊衣櫃，心血來潮想做一個二手買賣，當日嘅交易都好順利完成，後來有網民指控我所賣嘅二手衣物含欺騙成份，因為我訂價比官網顯示的原價高，懷疑我刻意標高價呃觀眾。」

Spoon Chan指自己喺4月9日已在IG澄清定價是根據自己購入的原價去定價：「而網民喺網上見到嘅價錢係斷碼後嘅促銷價格，並非原價，因為當時我係好即興嘅情況下，將啲產品放喺IG story售賣，的確係我事先冇好好做足功課，檢查網上有冇更新價錢或者做緊減價，而係就我買入嘅價錢去定價，令到大家產生我想呃follower錢嘅想法，我真係覺得好抱歉，的確真係我草率同疏忽，而使用同穿着次數，我當時憑照大概嘅記憶去標示，當網民翻閱我IG照片，發現我實際穿着次數比標示嘅多，的確係我提供咗錯誤資訊畀大家，想為以上兩個犯嘅失誤和造成不便，誠心向大家道歉，我明白作為網上擁有大量追蹤者嘅YouTuber，更加有責任檢視自己所有發佈的資訊係唔係正確，汲取今次經驗，我以後發佈IG或Story會更小心去避免同類型嘅事件再發生。」她亦再三強調自己冇呃任何人錢。

昨晚有絲打發現Spoon悄悄地block或刪除網民留言，絲打批評Spoon沒回應其中一名網民用咗2百蚊買佢用廿元買嘅二手穿窿衫，另有網民亦指一向有follow佢個page，幫襯佢買護髮產品，對方批評：「幫襯佢買護髮產品，比起岀面買貴咗成倍，又唔係咁好用都算，當自己冇做好research，但眼見你不斷del人comment，真係好失望！好多留言其實只係指責你做得唔好嘅地方，並唔係啲咩人生攻擊嘅說話，點解唔肯承認自己嘅錯誤呢？」亦有網民為Spoon Chan抱不平，指19位買咗嘢嘅人都未出聲，但啲hater就借勢攻擊，續道：「你信一個坐喺背後做任何嘢唔使負責任嘅hater，定信一個坐喺你面前肯認錯嘅人？」

近一年因為疫情關係及逆權運動，不少香港藝人一直神隱，只在社交網分享吃喝玩樂化身KOL，其實要做現時後生仔喜歡嘅YouTuber及KOL並唔容易㗎！
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新