鄭融、JessicaC.、琦琦和Mr.等，昨晚到W酒店出席英國攝影師MickRock的攝影展，JessicaC.穿上超貼身裙谷盡警鐘胸，以及騷長腿最為性感，但電力卻不及矮她一截的鄭融。當Mick見到JessicaC.時，只是攬一攬她和錫她玉手，但當見到鄭融時，Mick卻一手把她擁入懷內，之後更錫她的手和面頰一啖，十分肉緊，鄭融表現亦相當受落。

有否被Mick的熱情舉動嚇倒？鄭融說：「呢啲都係外國人嘅禮儀，好平常，我知佢只係熱情咁打招呼，冇問題。」是否因有老外男友，因此已習慣？鄭融說：「咁又唔同，身邊嗰個點都唔會計。」