【本報訊】記者將有關示範片段交專業魔術藝人余凱緯參考。余稱，片段中的「蒙眼視物」一點也不神奇，普通人也可簡單做到。他稱只要在戴眼罩時緊瞇雙眼，戴好後放鬆，眼罩下半部便會出現空隙，向下望便可看到一定角度的景物，「睇片個小朋友將卡紙擺係腰部以下嘅位置，咁做有可能偷睇到」。
余又表示，觸摸卡片時也可透過軟硬度分辨卡牌種類，「甚至可以做到一張卡紙4隻角嘅硬度都唔同，旁觀嘅人唔會察覺」。而透過儀器或旁人聲音提示同樣可「蒙眼視物」，「我哋魔術師有千萬種方法做到所謂嘅透視，所以我係絕對唔相信有人真係有透視嘅能力」。記者事後多次聯絡黎志華，他最初透過職員回覆堅稱小童開發松果體後可蒙眼視物，學員示範時也沒有「偷睇」，但承認沒學術根據。之後黎再親自回覆，稱是英國曼徹斯特大學一位學者的研究。