1997年亞姐冠軍韓君婷，網民曾封佢做「蘿霸」。潮流興整容、整形，鬼妹仔韓君婷最近返港，成個樣唔同晒，佢透露自己早前跌親個鼻，於是搵醫生做整形手術，遲啲再做多輪手術，就算大功告成。
這天東華三院搞盃賽，韓君婷有入場幫老友東華三院第三副主席王賢誌打氣。結果後者有份的團體馬「大將風馳」在第二場爆冷勝出。鬼妹仔睇跑馬之餘，亦有落注，第九場佢同王賢誌等人，真金白銀買中5.7倍頭馬「高利多」，開心到飛起。而2010年港姐冠軍陳庭欣，這天亦有入場，以聖誕女郎打扮睇馬。