張崇德與羅霖今日喺銅鑼灣為珠寶店開幕擔任嘉賓，羅霖以紅色露肩晚裝現身，佢笑謂早前於劇集中掌管珠寶首飾，今日終於可以為珠寶店開幕好興奮。

羅霖話因為呢個角色都吸金唔少，因為多咗好多廣告商邀請：「拍咗好多廣告，不過o依家啲廣告網上平台多，由代言1、2年可以有6、7位數，到o依家做網上平台得接近6位數。」

佢又主動提到21歲嘅二仔，為咗趕返美國見女友提早離港：「仔大仔世界，我同個女仔喺視像見過，幾靚女。」羅霖又話兒子們同佢一樣專一，又有紳士風度：「佢會幫我拎手袋，所以做我仔個女朋友都好幸福。」

張崇德話去年為同一間珠寶店開幕，當時向太太送上名為幸福摩天輪嘅戒指：「平時我哋唔送嘢架，有次佢送生日禮物俾我，我仲有少少嬲，我哋覺得平日對大家好緊要啲。」

精選娛聞，喺晒《娛果》
http://fb.com/appledailyent