羅志祥前日去北京工作，落機行到去入境驗查櫃檯嗰陣，佢先發現銀包唔見咗，而銀包內除咗有重要證件，仲有一張珍貴嘅全家福，羅志祥指當時努力回想銀包喺邊度唔見，好在喺櫃檯附近見到該航班嘅機組人員，喺機組人員熱心協助之下，最後成功搵番個錢包。

羅志祥剛才喺微博留言感謝華北航線中心嘅機組人員，羅志祥稱有當面致謝，但佢哋話係舉手之勞，羅志祥仍然覺得好感激：「在那麼寒冷的夜晚，卻感受到大家的溫暖有愛，真的很感動，真的謝謝你們，但因為我個人的疏忽，造成大家的麻煩 我也深感抱歉。」有網民反問：「如果你不是明星還會這麼幫你嗎?」羅志祥亦斬釘截鐵回應：「會的！開始他們不知道是我的皮包不見！是最後才知道的！謝謝你！」

精選娛聞，喺晒《娛果》
http://fb.com/appledailyent