新練馬師麥菲文上月中以「安喜」開齋，馬主王忠秣自己固然開心，亦戥麥菲文高興，但呢啲對王忠秣來講都係小事一樁。

王忠秣更開心係剛獲城市大學授予榮譽院士名銜，今時今日人人手機隨身，在桌上商業電腦誕生至未有手機之前，早於80年代，全球第一台手提電腦，就係王忠秣家族之王氏電子有份研發，集團再為英國廣播公司製造電腦。

攞完榮譽院士名銜，王忠秣又返到馬場。周日(8日)沙田賽事，王氏家族第五場新勝馬「安喜」及第九場「安友」，都係好有分量，所以王忠秣隨時錦上添花。