【狗仔出更】黃浩然跑完步變防疫男 戴口罩眼鏡撳櫃員機紙巾包食指
蘋果日報 2020/03/23 06:00
黃浩然口罩防疫狗仔出更抗疫多功能老婆武漢肺炎法證先鋒4
黃浩然連月在大台都有劇出街，之前與楊千嬅合作做《多功能老婆》演負心老公，近日在《法證先鋒4》就飾演化驗師，兩劇都有不錯的收視，成功入屋。
武漢肺炎肆虐，各行業都受到影響，而演藝行業不少工作都被叫停，藝人在未有工作的時間，都會做吓運動及與家人親子樂，如黃浩然早前就一家四口行山。日前，《蘋果》又見到黃浩然外出做運動，當日下午約5時許，《蘋果》見到一身黑色運動裝束的他在大坑道獨自跑步，當時他未有戴口罩來來回回在跑街練氣。跑了一陣，就見到他行到去渣甸山油站毗鄰的超市，可能他已預計會遇到多點人流，他在途中已戴了口罩，更拎出眼鏡戴上，full gear做足防疫措施。
黃浩然去到位於大廈的超市，先去櫃員機理財，見他小心地在腰包拎了一張紙巾，將紙巾對摺，主要覆蓋住食指，方便他在防菌狀態下撳櫃員機，見他來來回回睇住電話再撳櫃員機辦理銀行過數。完畢後，就搭升降機上超市，他未有鬆懈再度以包住紙巾的食指撳升降機按鈕，入到超市後就行去飲品的貨架，他揀了一pack電解質飲品，然後排隊付錢，果然生活健康。最後，他就慢步回到寶馬山寓所，享受他慢活的一天。
採訪、攝影：徐錦池、朱志聰
採訪、攝影：徐錦池、朱志聰
在疫情下，黃浩然多做運動強身健體。
在大坑道來回跑街。
行去超市時，已戴好口罩及戴上眼鏡。
小心翼翼對摺紙巾。
黃浩然用紙巾包住食指才撳櫃員機理財
辦妥理財事宜，黃浩然將提款卡擺回腰包。
撳升降機按鈕也用紙巾包住手指。
去到超市買飲品。
揀了一pack電解質飲品。
家有小朋友，黃浩然防疫意識十分高，在超市有人流的地方戴口罩及眼鏡。