奧尼爾（Shaquille O’Neal）不時都會喺TNT嘅烏龍球特輯《Shaqtin’ A Fool》入面恥笑麥伊（JaVale McGee），將呢位現時效力勇士嘅29歲中鋒塑造成一個腦殘嘅球員；近日麥伊忍唔住喺Twitter出聲反擊，仲引起罵戰㖭。

不過，奧尼爾上周六就話自己收到媽媽嘅柯打要佢收聲，唔再笑麥伊。至於麥伊嘅媽媽、曾經喺1984年代表美國女籃贏得洛杉磯奧運金牌嘅彭美娜就大鬧奧尼爾喺網上欺凌自己囝囝：「奧尼爾應該俾TNT停職，甚至炒魷！NBA需要為呢件事表態。」