努力追求與別不同的葉展雄（Nelson），為自己的GTR添上不少香港絕無僅有的配件，有些甚至乎是獨家部件。「先講車身包圍，係日本TOMMYKAIRA出品，喺今年日本東京改裝車展首次展出。見到之後，立刻搵人直接聯絡TOMMYKAIRA，最終我用誠意打動了總社長。隔咗一個月，就為我送嚟全球首套包圍。兩個月前，總社長仲親身來港，參觀我呢部GTR的製作。對此佢都十分滿意，更喺自己網站提及到。」

若要完美變身，除了服裝，也要飾物配襯。Nelson改車好比女人襯衫，事事講求完美。「我覺得既然用咗一套咁兇惡嘅包圍，其他周邊配件都要作出配合，唔係效果便會略有所欠。為此睇咗好多不同品牌的引擎蓋，大都不夠出眾，無乜特別。突然醒起四年前有間本地改裝公司為賽車設計咗一個引擎蓋，用嚟出戰澳門格蘭披治大賽車，我好喜歡嗰個款式。另一主因，就係睇中佢嘅散熱功能。」