中午12時21分，葵涌貨櫃碼頭南路，1號迴旋處往荃灣方向，一部拖頭因壞車停中線等候拖車，其間一部中型貨車駛至，疑收掣不及，猛撼拖頭車尾，中型貨車車頭嚴重損毀，擋風玻璃爆裂，左車門遭劏開，45歲姓梁跟車男乘客頭及腳嚴重受傷，攤卧座位上被困車內，昏迷不醒。

42歲姓古司機亦受傷，但仍然清醒，警員及消防員接報到場，救出司機及乘客，救護員將兩人送院搶救，而拖頭姓盧 （59歲）男司機則無恙。現場遺下大堆碎片，以及一灘血迹。

據悉，45歲姓梁傷者獲救後，由救護車送往瑪嘉烈醫院搶救，情況危殆，兩名女親屬接報後趕到醫院了解事件，顯得憂心忡忡，至於姓古司機則傷勢嚴重。消息指，他於一間物流公司任職跟車工人大約3年，已婚，並與妻子育有兒女，有工友透露傷者為人勤奮，踏實可靠，做事從無甩漏，對於今次他遇上車禍感到難過，希望他能夠大步欖過。

-----------------------------

你敢爆，我敢獎！ 立即WhatsApp 《蘋果》24小時爆相爆片熱線 或致電：63836568

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！