黃翊今日去到太子為新碟舉行簽唱會，噚日黃翊渡過51歲生日，在場fans為黃翊獻唱生日歌。 黃翊話太太原先今日出院，但係因為佢太忙，而且太太要做一個小手術，將喉管接駁到另一個位置，黃翊話：「所以我聽日就會接太太出院，噚日佢都有同我講生日快樂，見到太太健康好轉，自己都好開心。阿仔畫咗一幅我影緊相嘅畫像送俾我，係最珍貴嘅禮物。」

黃翊相隔26年再出新碟，佢話用咗1年幾時間去製作：「原先諗住出單曲，之後變成大碟，咁啱又可以喺演唱會出到。入行30幾年第一次開售票演唱會，未開嘅時候，公司同事已經話預計反應好好，會有第二part，老闆叫我做好準備，預計會喺19年開，自己都希望可以更上一層樓，喺紅館實現每個歌手都希望可以踏上嘅舞台。」

精選娛聞，喺晒《娛果》
http://fb.com/appledailyent