混血名模Cara G.來港10多年，婚後佢選擇留港工作生活，並生下一對囡囡India及Frejia，兩個都相當活潑可愛，4歲大女India似足媽咪，細女Frejia就同爸爸如同餅印，一家人喺貝澳獨立屋過平淡生活。

Cara對中國傳統節慶都好奇同感興趣，趁着中秋節，Cara同囡囡一齊制作環保燈籠應節，Cara以舊嘅廁紙筒、雜誌同畫筆，畀囡囡發揮創意、剪剪貼貼，一個極好嘅親子活動。

Cara話：「中秋節在歐洲那邊的意思好像是願夏季的時間更長，我真的不太清楚中秋節在中國的意思，不過我知道大家會一同吃月餅。我們不認識傳統習俗，但一樣會慶祝，當天我們若放假，一家人會聚在一起吃飯，欣賞明亮的月亮。住在離島這裏很開心，我們有很多鄰居，就像一個小社區，他們都很友善親切，大家都認識對方，會互相幫助。記得農曆新年的時候，聚集了住在離島超過100人在一起，大家一同慶祝，真是很開心熱鬧。」Cara仲話對於教育下一代中國文化尤其重要，佢話：「因為她們在香港出生跟成長，她們同樣是香港人，雖然我們不是最了解中國傳統文化，但會盡量去學習與解釋，讓女兒們有更深了解。」

其實年前Cara為遠離壓力跟污染嘅城市，一家搬到離島貝澳，租住一間偏遠嘅獨立屋，Cara亦關注環保，早前仲成為咗環保團體Redress嘅大使，而Cara就喺呢個充滿愛嘅「小社區」教育小朋友，佢話：「環保是相當重要，我會帶小朋友到沙灘執垃圾，會跟人們講不要留下垃圾，要愛護小動物、節約用水等等，我們每天都要教育提醒小朋友。」

採訪：羅慧敏
攝影、攝錄：葉君海

精選娛聞，喺晒《娛果》
http://fb.com/appledailyent