當年今日
關於我們

【狗仔出更】Chilam生日全黑look孖靚靚蒲頭 怨未收老婆生日禮物

蘋果日報 2020/08/28 17:34

袁詠儀張智霖

昨日(27日)剛過49歲生日的張智霖(Chilam),因疫情關係,未有相約好友大肆慶祝,日前他在社交平台po了一張在家影的相,留下感言指自己回想過往演藝生涯,不算精彩亦未有驚人壯舉,最大收穫,反而是認識了一群愛自己的人。
其實生日年年有,等下年50大壽再搞過都未遲,況且Chilam身邊有靚靚袁詠儀陪過生日,相信他已心滿意足,今日(28日)《蘋果》便發現兩公婆以黑白casual look,現身大坑外買咖啡。在買咖啡期間,Chilam眼利發現記者並告知靚靚。當離開咖啡店時,他大方向記者揮手打招呼,記者祝他「生日快樂」,靚靚笑晒口代答:「你哋咁好記性嘅!」
記者問Chilam今年收到什麼禮物,他微微擰頭,帶點無奈說:「不多,亦唔係重點!冇乜嘢,都未有貓。」一直拒絕老公養貓要求的靚靚,聽罷即大笑。記者再問他囝囝「魔童」有冇送禮物,他坦言沒有。對於生日願望,Chilam說:「希望快啲有疫苗,大家都可以做嘢,大家都健康。」
Chilam生日未有收到最想要的禮物,相反靚靚每年生日,身為老公的Chilam就向老婆「進貢」不少名牌袋,早前便有網民幫他粗略統計,他與靚靚結婚19年來,送過的Hermès手袋便總值超過2,000萬,真係full pay一層市區三房樓都仲有找。
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
《本土情味》結集《飲食男女》雜誌經典欄目「老字號」文章,記錄香港40家飲食老店的動人故事,見證香港飲食史的甜酸苦辣。即日起,於各大便利店及書報攤有售,並於 《蘋果日報》你的優惠 網上獨家發售!