周潤發和狄龍主演的經典電影《英雄本色》，昨日被覺醒配音組在fb貼出一條重新配音的片段，戲中兩位主角Mark哥周潤發與豪哥狄龍在山頂上對話，Mark哥說：「豪哥，我去買頭盔，嚟緊一齊集會，頂到佢跪低為止，以前出生入死都未驚過，難道你會驚警黑咩？」豪哥說：「冇不反對通知書，我係唔會去㗎！都過咗去啦，壽終正寢呀！」Mark哥大聲回應：「未撤回，講人話吖唔該。」豪哥認真地問：「我𠵱家係收成期，你班人仲搞全港大罷工？」Mark哥則反駁：「我等一個機會爭番口氣，唔係想搞亂個社會，係想話畀人聽香港唔見咗嘅嘢，我哋要攞番。」

影片一出即被網民大讚，配音組回覆《蘋果》指選擇《英雄本色》作為二創，是想回復香港的本色：「這電影亦是香港之子發哥電影事業的轉捩點，令佢谷底翻身。都想香港人可以同發哥一樣，絕境中更堅強，打出一條生路。最後，當然係戲名《A Better Tomorrow》，謝謝你。」
採訪：唐琛悠