【賣磚曾賺千七萬】栢芝暗盤放售中半山單位賬面唔見2,800萬
蘋果日報 2016/04/20 06:00
蘋果香港Lucas張栢芝樓盤康樂園即時quintus娛樂
- 栢芝之前到德國拍攝新戲《失控：幽靈飛車》時，為劇組買餸做大廚。
- 四年冇拍電影嘅栢芝，最近同BigBang嘅T.O.P合作新片《失控：幽靈飛車》。
- 栢芝經常帶兩子周遊列國。
- 栢芝11年買入嘅世紀大廈複式單位，賬面唔見咗2,800萬。
- 栢芝00年以748萬買入又一村花園，五年後以828萬賣出，賺咗80萬。
- 栢芝對大埔康樂園情有獨鍾，正物色單位。
一向投資有道嘅張栢芝，多年來買嘅磚頭都賺大錢，但係佢喺11年摸頂以1.28億入貨嘅港島中半山世紀大廈連天台單位，當時都破咗該屋苑嘅成交紀錄，但係最近栢芝就靠教友鄧萃雯同牧師嘅幫手，安排咗兩個囝囝Lucas同Quintus去沙田基督教國際學校返學，咁栢芝為咗方便兩個仔返學，就想搬返入大埔康樂園住喎！
今日出版嘅《壹週刊》就報道話，栢芝去年開始以暗盤放售世紀大廈，叫價兩億，可惜一直冇人問津，當美國落實加息後，栢芝見勢色唔對，即刻劈價，將盤價下調到1.6億，但都冇人吼。
報道引述業界人士話，過去半年，中半山一帶嘅二手樓價都有跌冇升，銷情慘淡，連帶栢芝暗盤放嘅特色天台單位，都無人問價，唔好話賺錢，平手離場都偷笑。因為栢芝個單位現市價大概1億，即係話栢芝喺賬面已經蝕咗2,800萬，對比買入價跌咗超過兩成，除非栢芝肯蝕讓，咁先有機會吸引到一啲投資者執平貨喎！
講到栢芝喺磚頭從未損手，不如就同大家睇吓佢嘅往績，佢由千禧年開始入貨，過去多年共買入8個單位，地區層面好廣闊，包括大埔、九龍塘、銅鑼灣、跑馬地同中半山等，單係大埔嘅康樂園就買過3個單位。多年來咁多個單位炒賣共賺1,749萬，o依家佢入想喺康樂園置業，相信栢芝對大埔都情有獨鍾！
今日出版嘅《壹週刊》就報道話，栢芝去年開始以暗盤放售世紀大廈，叫價兩億，可惜一直冇人問津，當美國落實加息後，栢芝見勢色唔對，即刻劈價，將盤價下調到1.6億，但都冇人吼。
報道引述業界人士話，過去半年，中半山一帶嘅二手樓價都有跌冇升，銷情慘淡，連帶栢芝暗盤放嘅特色天台單位，都無人問價，唔好話賺錢，平手離場都偷笑。因為栢芝個單位現市價大概1億，即係話栢芝喺賬面已經蝕咗2,800萬，對比買入價跌咗超過兩成，除非栢芝肯蝕讓，咁先有機會吸引到一啲投資者執平貨喎！
講到栢芝喺磚頭從未損手，不如就同大家睇吓佢嘅往績，佢由千禧年開始入貨，過去多年共買入8個單位，地區層面好廣闊，包括大埔、九龍塘、銅鑼灣、跑馬地同中半山等，單係大埔嘅康樂園就買過3個單位。多年來咁多個單位炒賣共賺1,749萬，o依家佢入想喺康樂園置業，相信栢芝對大埔都情有獨鍾！