【最緊要啱玩】連續兩年有得出唱片 鄧小巧:我覺得自己好彩
Band ShowSUPPER MOMENT鄧小巧
Supper Moment(SM)、鄧小巧今晚喺九展搞音樂會,SM話今年係第三年搞呢個音樂會,之前一直都係BAND為主,今年多咗好多新元素,仲有唔少歌手加入,SM話:「第一次有歌手參與,有小巧,係非常之好開始,band唔一定係只有樂隊,都可以有歌手。」
小巧就係第一次參與呢啲Band Show,佢話:「一個人搞唔掂音樂,所以搵合作開嘅結他手一齊玩,我哋係第一隊出場,頭先綵排喺台上面已經感覺好熱烈,因為未開冷氣,真係好熱。」小巧都好想多啲band sound音樂,不過,佢就話自己唱唔到:「佢哋用嗰啲聲唱,如果我唱一晚第二晚就失聲。」小巧話自己喺12月就出新碟,佢覺得自己好彩,今年佢都仲有出碟,仲要係連續兩年可以出碟,所以自己都好期待呢隻碟出現。