「阿爸賭錢時成個人變得好惡,同平時唔同,有時贏咗錢會畀零用錢我哋幾姊妹,買啲好嘢食返屋企。媽咪同我哋六姊妹都話賭錢唔好,趁佢心情好時會勸佢戒賭,寧願唔要食好嘢同零用錢。但佢賭癮好深,無理我哋,結果條命都冇咗啊!」疑因賭錢被扑死的劉邦好,其就讀中二年級家中排第四的14歲女兒真真,懂事的道出失去父親的傷痛。
「我哋自細就知爸爸爛賭,媽媽好辛苦養育我哋,好注重我哋嘅教育。我哋六姊妹個個都好勤力讀書,攞咗好多獎狀,希望將來可以出人頭地,好好照顧同回報媽咪。今次爸爸咁樣死咗,我哋一定會更加努力讀好啲書!」真真以堅定的語氣面對「沒有父親」的未來,同時將父親隨處放在屋內的賽馬投注及六合彩表格棄掉。