噚晚「Chippendales亞洲爆衫猛男」騷舉行，有好多女觀眾捧場，可以奉旨睇仔仔喎!所以都好投入!

開騷前當然要喺backdrop影吓相做最後宣傳，今次猛男丫嘛，唔少得要做啲「粗重功夫」，抱起女嘉賓影相，其中一位o靚模被抱起時high到擘大個口得個窿，面容扭曲，差啲唔認得佢就係.........................











媽媽Mia陳靜儀 囉!問Mia一早打晒底，係咪預咗會俾人抱？佢話：「唔係，自己每次出活動都會打定底。」你預咗隨時俾人抱起？Mia尷尬話：「唔係，只係安全啲啫，我今日條裙都好危險，佢突然間抱起我我都好驚。」

自稱第一次睇呢類猛男騷嘅佢仲話一早預備定紙巾慎防自己會睇到流鼻血，又話今次係抱住學習心態睇騷：「因為我遲啲會唱歌跳舞，所以嚟學定嘢！」咦？現場猛男好似係跳脫衣舞啵！難道你‥‥‥Mia即澄清：「我諗住咩都學啲啫！」哦！果然做足準備功夫啵！




「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。

公投網址： http://facebook.com/AppleDailyGoldenPlum