曾憑韓片《聖殤》獲得第69屆威尼斯電影節金獅獎嘅57歲名導金基德，去年8月遭女演員A某起訴，A某指控於2013年拍攝電影《切夫之痛》（Moebius）時，遭金基德掌摑及強迫拍床戲。

而噚晚播出嘅節目《PD手冊》中，女演員A某聯同B、C女星受訪，指控曾遭金基德性騷擾及性侵，受訪女星指金基德要求發生性關係及玩3P，拒絕後遭無理解僱及掌摑，引起熱議，不過金基德方面未有就噚晚嘅節目內容發表立場。

對於金基德涉性騷擾、性侵，電影界都受到好大衝擊，有業界人士指金基德嘅新作《人類的時間》將因為其性醜聞影響已上映無期。亦有業界人士表示，對於金基德嘅事件大感憤怒，強烈指摘其做法除咗踐踏他人夢想外，亦令其他電影人一同受侮辱。

更多韓流，喺晒《娛果》
http://fb.com/appledailyent