當年今日
關於我們
隔牆有耳:禿鷹升唔到呢變鳳凰 - 李八方
蘋果日報 2012/05/08 00:00
禿鷹單黑影謊言被監警會揭破後,好多前線記者都準備好等佢下次出席公開場合,就會兜口兜面問佢會唔會為喺立法會講大話誤導公眾而道歉,睇吓禿鷹到時點接招。早排有傳過下禿鷹有機會做下屆保安局局長,同狼振英拍住上,但最新消息係,呢對「鷹狼組合」應該唔會成事,據聞禿鷹最近同人講,7.1之後,佢仍然會係警務處處長。
唔知點解,好多人都以為禿鷹係潮州人,事緣佢當年駐守毒品調查科時,間唔中要去潮州人聚居嘅社群入屋搜查,於是乎,佢都學過幾句潮語,方便做嘢,所以就畀人誤會咗佢係潮州怒漢。