郭晉安今日喺旺角幫佢代言嘅奶粉，向市民免費派發2013罐奶粉，吸引好多公公婆婆排隊拎。安仔話佢試過呢隻奶粉，味道近乎母乳，所以佢2歲大嘅囡囡都有飲緊。

講到H7N9疫情，安仔透露稍後會返內地登台，最重要係注重個人衛生，笑言返到香港唔返屋企住，先返公司自我隔離；不過佢都擔心5歲大嘅囝囝返學，依家會經常提佢洗手，同埋減少食家禽，寧願貴少少買澳洲出產嘅肉類。