臨近暑期，好多騎練都計劃好出外度假。不過，今季順風順水的沈拿仲未排唔得閒，事關佢正為五歲大的囡囡入讀國際學校而頭痛。

季內暫有17Win的沈拿，話囡囡一向好乖好聽話，惟佢在家講慣意大利話，比較少接觸英文，面對入學面試驚好輸蝕，所以已安排佢上補習班，而佢自己亦會同阿女講多啲英文。

最懊惱的還係香港的國際學校學費非常貴，一個學期要俾六個數字，如果計埋債券、興趣班同雜費，變成幾大數目。

沈拿話一家人好熱愛香港的生活，既然開支增加咗，自己就惟有努力贏馬拎獎金，以維持一家生活質素。

圖片來源：沈拿IG