韓劇《愛上Pinocchio》女星朴信惠將於下星期來港見粉絲，而早前佢就以嘉賓身份演出綜藝節目《曖昧男女》，並於節目中分享婚姻觀。

於噚晚播出嘅節目中，朴信惠表示：「我嘅夢想係結婚，見到爸爸同媽媽一齊時嘅樣子，我想有一個好似爸爸樣咁嘅老公，二人組織美滿家庭。」

現時25歲嘅朴信惠又話：「我以為我23歲會結婚，0依家諗可能會喺30歲左右。因為我嘅目標係結婚，所以睇男人時會只想搵一個好似爸爸咁樣嘅男人。」透露出自己有戀父情結。

朴信惠之後又表示：「每個人都有優點同缺點，但係我經常會比起優點更先看到缺點。」

另外，朴信惠早前為代言品牌拍攝新相，而日前廣告商就公開花絮相，只見朴信惠於鏡頭前露出燦爛笑容，貫徹佢清純陽光嘅形象。