星期日（4月5日）沙田草地日馬編有兩場二級賽，分別是1200米短途錦標及1600米主席錦標，戲碼比星期三（4月1日）泥地夜賽勁得多。

當日於其他場次仲有好幾匹後起之秀被安排上陣，當中包括韋達馬房話題馬「廣陵王」。

此駒當初出道首三戰兩冠一亞，本身由新馬主車曉紅女士持有，近兩仗跑田草1400米賽事，分別被捧成1.7倍及1.5倍均大熱死火，演出一再令人大失所望。

四歲英國自購新馬「廣陵王」自前仗於何澤堯胯下塞車得梗頸四以來，一直廣受馬迷議論，本身上次易配巴度再次大熱倒灶，只得第八名。

「廣陵王」上星期四（26日）曾由蔡明紹試泥閘1200米，並以第七名衝線，惟莫雷拉在近日晨課就證實自己已獲得「廣陵王」策騎權。

「廣陵王」周日仍列陣最近輸開的1400米，雷神正與潘頓鬥得火熱，如今再獲韋達提供「重型武器」，相信人馬屆時又會成為賽日焦點之一。

撰文：林湛穎

--------------------------
【亂世兩英雄】武肺疫情下誕生準馬王 香港之子何澤堯永不言敗
即睇「亂世兩英雄」點樣激勵人心
--------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
--------------------------
《果GYM》隨身播 　健身壹App過！
一按即玩