周三（15日）晨課，大圈出跳有賽程馬，主要來自容、徐、高、蔡及吳廐。

「蒙古王」黃皓楠拍「藍天堡馬」跳兩段，一對馬都戴頭罩，後駒貼欄主動帶放，一氣呵成好體力，勝後即復課，健康狀態均佳；「蒙古王」外檔輕鬆跟隨，電算機前追貼同衝刺，連課拍跳均出色，勇熟續添。

「南京之友」潘頓跳兩段，馬身喼得壯，過步開揚有勁，狀態越戰越勇。「紅衣優駿」楊明綸跳兩段，慢開直路稍加快，身形做得靚，落腳穩勁力強，有質馬進步神速。

「四平八穩」副練跳一段，細粒仔馬身唔瘦，神態好生猛，過步急密有力，健康狀態均出色。「英才」副練跳一段，馬身茁壯紮實，担高頭神態活躍，出腳甚爽，仍有爭勝水準。

「當家精選」跳兩段，走順後以勁勢撲過終點，勝後續進步，走勢更強勁。「達羅素」副練跳兩段，收身線條靚，質高馬越操越靚。

「情意相投」跳兩段，情緒好穩定，與以住緊張表現已判若兩駒，過步輕爽，保持贏馬勇態。「高山威龍」跳兩段，拼後受操馬身靚。

「御風雲」韋達跳三段，姿態尚輕鬆，維持近期作戰水準。「大眾良駒」郭能跳兩段，走過頗平淡，神態欠活躍。