白鴿黨噚晚創黨23周年慶祝，除咗娥特破天荒現身兼捐錢搶哂鏡，現場唔少白鴿黨年輕靚女亦相當吸睛。其中獲力捧嘅新星、已故立法局議員吳明欽嘅千金大狀吳思諾，竟然驚爆疑似有個孖生姐妹？原來有白鴿黨「大長今」之稱嘅靚女沙田區議員曾素麗噚晚出席晚宴時，不斷有人同佢講認識佢爸爸，亦有人問佢係咪姓吳？搞到佢都要喺面書留言寫返句「黑人問號.jpg」。

曾素麗之後發現，原來唔少人都認錯佢係吳思諾，再喺facebook上載咗一幅兩人合照，唔少網民睇完都留言話，兩個靚女好似樣，唔知大家又覺得似唔似？