陳國邦日前向無綫發公開信宣佈唔續約之後，有無綫高層即刻約阿邦傾偈，了解佢發生乜嘢事，而阿邦亦話到時會將過往見到同聽到嘅TVB問題，一一同高層講。據知阿邦早幾日同咗個高層見面，雙方重傾得好開心添，不過傾完之後阿邦都係冇改變佢離開TVB嘅決定。

噚日問番阿邦，佢透過WhatsApp話:「幾日之前的確有高層同我聯絡同埋已經見咗面，咁喺個幾鐘頭傾談裏面，氣氛好融洽，嗰位高層亦明白我點解離開嘅原因，咁講完我問題之後，我亦有將自己聽到或者見到嘅一啲問題講比佢聽，佢亦都有講佢自己立場同自己嘅工作，大家都傾得好開心，我喺呢度好衷心希望佢為TVB創造一個更加好嘅工作環境。」