投資兼主演 首站康城
華仔重塑21世紀英雄本色
劉德華以前演過無數英雄片,要他演出黑幫人物應該手到拿來。
資料圖片
陳冠希是馮德倫喜歡用的演員,他可能會在新片中扮演華仔弟弟。
資料圖片
《英雄本色》年尾才開拍,但已設計好海報,並準備以華仔名字在康城作招徠。
謝賢(左二)當年演出《英雄本色》後,令他成為萬千影迷心中的英雄。
黑白圖片
為了重拍龍剛在1969年拍攝的《英雄本色》,馮德倫花了幾年時間籌備,且跟不少公司傾過,但由於投資太大,要找公司支持開拍這部戲亦不容易,該片原本找了寰亞投資,但現在可能是由幾間公司合資拍攝,而劉德華的公司會是主要投資的公司。馮德倫認為每個年代都有1個英雄人物做代表,60年代有謝賢,80年代有周潤發,2000年應該是劉德華。
馮德倫之前想也未想過華仔肯演出這部戲,昨日他在電話中說:「早排同華仔食飯,我同佢講起呢部戲,佢一聽個古仔好喜歡,咁我哋好快就達成合作,佢仲肯投資埋,我真係好感激華仔,對電影咁有熱誠同支持新導演開戲,𠵱家除咗華仔會做番謝賢釋囚個角色外,原本細佬個角色仲未定實係咪由陳冠希做,最終要等個劇本出埋嚟先可落實。」查實吳宇森重拍《英雄本色》一片時,狄龍演的豪哥,其藍本便是龍剛版本中謝賢的角色。
劉德華昨日承認會投資這部戲,他接受電話訪問時說:「我對呢部戲係感到興趣,但部戲投資太大,相信冇可能獨資,喺今屆康城影展會介紹吓部戲,到時睇吓片商會有乜反應。我覺得唔同年代英雄代表唔同嘅意思,好似60年代肯為家庭作付出嘅人就代表係英雄,到80年代為對朋友夠情義就代表英雄,咁2000年又係乜呢?𠵱家我哋就度緊個劇本喇!」
採訪:陳月媚