【曾舌戰Shiga】36歲曲赤懷疑女友偷食 求主耶穌基督：我好想死！
蘋果日報 2019/12/25 19:31
曲赤童愛喬
（ FB圖片）
曾跟連詩雅、陸永老婆舌戰的36歲歌手曲赤，今日聖誕節竟在網上留言有輕生念頭：「主耶穌基督，如果你真係愛我的話，我求你喺我瞓醒之後一睡不起，唔想再活喺呢個世界上，我唔想再遇到一個冷血無情的人，唔想再俾人欺騙感情，唔想俾人呃完一次又一次。我求你殺咗我了結我嘅生命，我跪喺地下求你耶穌，我想死！」
《蘋果》聯絡曲赤慰問，問到發生甚麼事？他以短訊回覆：「我好想死！好多嘢解決唔到，最大問題係我嘅抑鬱症，我一病發就想死，喺我最失落嘅時候，我女朋友話想同我分手，佢不斷講大話呃我，今日同我講話要返工，第二日走咗去遊船河，話同朋友慶祝生日，話全女班唔畀我去，呃我話唔見咗電話，原來走咗去夜蒲溝仔。」
曲赤跟師妹女友童愛喬 (Ashley)拍拖1年多，他指女友之前都試過偷食：「一個大話冚一個大話，俾我揭穿咗就話要分手，俾我偷睇到佢電話，佢同朋友講，我唔畀佢識男仔，佢都有辦法識到，喺apps話有1000個男仔俾佢揀。成日話去女仔度瞓，但係去到我打電話畀佢，鬼鬼祟祟唔聽電話，我懷疑去咗男仔度瞓。」
最後，曲赤說：「我好愛佢，唔捨得同佢分手！」
曲赤在社交網留言想死（ FB圖片）
曲赤聖誕節和女友情海翻波（ FB圖片）